wen's profile〓DD da Queen〓PhotosBlogListsMore  |  Tools Help |
|
April 07 4月. 草拟大业.一转眼已经翻尼NZ个半月.
已经做紧第二份工了, 仲系度骑牛揾马.
转工快过以前搬屋.
咁系好定唔好呢?
医生大人为咗储钱结婚, 搏命加班揾钱.
当一切都越来越近嘅时候, 我反而有D惊.
好怕结婚.
好怕结婚之后D屋企人就催住要生仔.
我唔要生BB!
医生们准备罢工了.
对于我地尼讲, 罢工就等于放假.
成班人坐埋一齐计划假期, 感觉有D兴奋.
有D小学准备去春游一样的兴奋.
其实, 我几想去露营.
嘿嘿!
两只狗仔越来越听话.
我真系当佢地好似亲生仔咁了.
迟D有时间, 一定要带佢地再去进行更深入系统嘅训练.
我要佢地成为好听话好得人中意嘅小朋友!
表妹19号就考雅思了.
希望一切都顺利.
我好想多个人陪我.
嗯.
听讲某朋友最近有D唔顺心.
好耐无同佢倾过计了, 大家都已经好似好生疏.
希望佢无事.
我自己成日都觉得好攰.
得闲一定要睇多D戏放松下.
嗯, 仲要继续打机, 我的DOTA同山口山.
医生大人工作时间越来越长.
你千祁唔好捱坏身子.
你对我系好重要嘅.
知道未? February 01 "好凍啊"前的歡樂返左尼甘耐, 都係要更新下啦.
開始凍的前一日, 我同阿媽表妹&其他閑雜人等, 一齊出去玩左半日.
先去萬頃沙食海鮮, 嗯, D海鮮係好新鮮好好味, 不過加工的人手勢痲痲, 不過鮮味搭救, 都算勉強可以啦!
然後呢, 路過一片向日葵花田. 啊啊, 一次過見到甘多我摯愛嘅向日葵, 興奮到不得了!
然後去摘砂糖桔. 好甜! 可惜D果樹好烏遭, 摸到成手黑曬... >_<
之後, 之後, 之後居然去摘樹多啤梨! 好新鮮, 好大, 好甜! yum yum~~
等天氣暖返D, 一定要再去過!
PS, 松隆子, 嘿嘿. November 24 倒数回归已经来咗大马5日, 食咗好多野, 见咗好多朋友.
数数手指, 仲有9日就可以翻顺德了.
期待期待.
不过, 好挂住屋企的两只狗仔.
唔知唔地有无俾人虾呢? 有无挂住我呢? 有无过得开心呢? September 27 9月樱华经过一个冬天嘅死寂, 屋企个花园嗰D貌死枯死晒嘅树开始发芽. 其中一棵无长叶, 直接开咗一簇簇粉红色嘅花, 行近一望, 先发现原来系樱花!
YEAH! 我最中意樱花树, 居然自己屋企就有一棵, 哈哈~
 演唱会日子越来越近, 内心有些许兴奋, 好想爆发出尼.
最近成日唔觉得饿, 一日食一餐都觉得饱. 哇, 正啊, 悭好多米饭钱啊!
放狗的公园越来越多狗, 狗同人都乐也融融, 自己成日陪佢地行行跑跑, 身材都好咗好多.
夏天快到了, 今个星期就换夏令时了. 又训少一个钟, 唉~
不过最近无乜野忙, 如果可以一直咁悠闲落去就好了
September 04 LINKIN PARK啊LINKIN PARK估唔到官方已经一早sold out嘅LINKIN PARK演唱会飞, 都可以俾我系trademe用原价买到两张.
注意, 系原价!
哇哈哈哈哈哈! 企位企位, 到时候早D去占个靓位先得!
最近总觉得人生无咩目标, 嗯, 当然要发达呢个长期目标系有啦, 不过, 短期目标呢? 我应该做D咩呢?
好迷惘.
个人一无目标, 就觉得做人都无晒意义.
唉~ August 03 亲爱的生日快乐!差D唔记得讲添! 今日系老公生日!
可惜佢今晚要做到夜晚10点, 所以寻晚已经提前煮做一餐大大大餐帮佢庆祝.
大家食到饱晒, 饮埋我精心挑选嘅靓酒, 开心到... 嘿嘿嘿!
庆祝我心爱嘅洪大少爷又向中年男人迈进一步!  又见生田斗真近来无聊, 无咩压力, 所以又好有兴致DOWN咗好多日剧来睇. 其中就有<偷偷爱着你>.
睇下睇下, 发觉里面的秀一颇为靓仔, 又熟口熟面. 一睇演员表, 居然系生田斗真!
以前留意到生田斗真嗰阵我仲好细, 成日睇日本杂志发现生田小朋友成日有得上镜. 当时我仲唸, 呢条0靓仔口大大, 唔多靓仔, 做咩可以咁出位?
事隔多年, 到依家我先发现, 我发掘靓仔嘅眼光果然未够.
生田小朋友已经由当初嘅大口仔变成依家嘅俊小生.
我都不得不感叹一下, JOHNEY'S嘅碰人眼光果然系高!
PS: 我渴望已久嘅BBL手袋......几时先可以拥有? July 21 从今天起, 我的生命中多了一个你一直觉得这句话不能乱说, 是公告, 也是承诺. 要是真的能修成正果, 那说说也无妨, 要是半途而废, 那莫不是要笑大了所有听过你说这句话的人的嘴?
从你红着眼捧着花跪在我面前, 跟我说着令我一辈子都不能忘的话时, 我就在心里对你说: 即使有一天你老了, 即使你得了老年痴呆, 忘记了我是谁, 我还是会一直陪在你身边, 因为我会记得, 今天我为什么选择了你.
所以今天, 我能荣幸地宣布, 从现在起, 我生命中的每一件事, 快乐或伤心, 富裕或贫穷, 一切一切, 我都会与你分享. 我会享受跟你在一起的每一天, 爱你, 支持你, 宠你. 就这样伴着你, 一起慢慢变老.
是的, 亲爱的, 我爱你. 一直到永远永远. June 01 儿童节快乐突然发现, 今日系6.1儿童节啊!
以前读小学嗰阵好盼望儿童节, 因为唔使上课, 唔使着校服, 可以着靓衫, 仲可以玩游戏, 赢好多好多糖仔.
跟住大下大下, 睇住D小朋友过儿童节, 自己都无咩感觉.
然后到咗依家, 简直连呢个日子都忘记埋.
讲起儿童, 依家屋企唯一嘅儿童就系嗰两只生番啦!
Caesar大得好快, 依家已经有我膝头咁高啦! 仲好乖, 好醒目, 琴日Salmon唔舒服, 佢仲识得将自己最中意嘅玩具送俾Salmon玩添! 真系好抵锡.
Salmon就差D啦, 身子弱, 又曳, 来咗我地屋企咁耐, 连自己叫咩名都未知... 唉, 又话你有6岁小朋友嘅智商嘅???
听日同佢地去上Micro chip, 然后就去帮佢地注册.
迟D送晒你地去puppy school, 等你地再醒目多小小, 就带你地出去识多D朋友仔!
顺便俾大家欣赏下, 我个已经除咗玫瑰之外, 咩植物都俾佢地掹晒出尼嘅后花园.
  May 24 好忙啊好忙最近总觉得好黑, 新屋嘅野好似永远都收拾唔完, 要装修嘅野又一拖再拖. 再加上其他要做嘅野, 加加埋埋, 真系觉得一日有48个钟都唔够.
最近嘅update, 就系两只puppy仔都尼晒.
大仔Caesar, 细仔Salmon, 依家两只野住系车库度, 成个车库俾佢地玩晒, 连部车都只可以泊出面.
辛苦系辛苦, 不过睇到佢地一见到我同老公就冲过尼痴住嗲住, 个心又觉得好甜.
不过佢地好奀皮啊! 唔得, 下星期开始就要送去puppy school!
    May 04 住洋楼, 养番狗终于搬新屋了. 一番收拾, 足足收拾咗一个星期, 都未收拾好, 成间屋都仲系七国咁乱. 死了, 有排搞了今次...
不过一想到今次真系可以安定落尼, 咁辛苦都有D价值.
既然有洋楼住, 又点少得养翻两只狗?
于是, Caesar同Salmon, 好快就会来到我地屋企, 加入我地呢个小家庭.
好期待, 两个人同两只狗的生活.
哈哈! April 22 八卦事据闻ex要结婚了.
啊呀呀, 不经不觉全部ex都结晒婚, 只剩低我, 云英未嫁. 哈哈!
通常男人结婚年龄都会比女人大, 点知依家个个都娶还老婆, 得我一个"摄炷嚹".
虽然话分手就无得再做朋友, 不过相识一场, 点都希望佢地全部都过得幸福快乐.
我咁好人, 唔知上天会唔会可怜下我, 俾我早D嫁得出呢? 哈哈! April 10 trademe熟客又到准备搬屋嘅时候, 又要买众多家私电器, 晚晚发梦都唸住"边度有电器大减价"...
呢个时候, trademe又成为我地嘅最爱. bid下bid下, 只要心理够好, 眼光够准, 成日都会bid到笋野.
就快搬了, 新屋嘅必需品都买得7788, 银行又干塘了.
不过, 为咗我地嘅家, 死就死!
某人依家成日都讲住一句话:"你快D读完书揾野做, 要帮补下屋企咖啦, 要帮我供屋啊!"
哈哈, 好啦, 为咗我地有美好嘅将来, 我会努力咖啦! March 19 老同学突然想起以前的老同学去到巴黎已经一段时间了.
从前喜欢在宿舍里一群女孩子聊天聊到半夜, 喜欢说自己的理想.
记得那时候她就说, 她的理想就是要做时装设计师, 因为她很喜欢漂亮的衣服. 她还说, 以后你们的婚纱我给你们设计!
那时候大家都只是哈哈大笑, 说道好啊好啊.
其实有谁会觉得她真的能当时装设计师呢? 甚至, 也许一上高中, 读的东西就跟艺术没关系了...
上高中后, 去了不同的学校, 很偶尔才能听到点无关紧要的消息.
年初的时候, 突然收到她的QQ, 问我过得怎么样.
她说, 她刚去了巴黎, 那个她从小就梦想的地方, 读的是时装设计的MASTER.
"一切就好象做梦一样." 她说.
我突然觉得很想哭: 为她觉得高兴, 也感到嫉妒. 脑袋里就只回响着她从前说的话:"以后你们的婚纱我给你们设计!"
一个美丽的女孩子, 从小有一个极度美丽的理想, 居然在10年间一步一步地慢慢实现了.
现在她可以站在T台下, 看着model们穿着自己设计的衣服走show.
何其完美.
而我呢? 我童年的理想呢?
奇怪. 居然想不起来我曾经的理想是什么了.
March 07 到底咩系潜规则呢?琴日移民官打电话俾老公, 话如果你个申请无包括你女朋友, 我今日就可以批个PR俾你, 不过因为你女朋友罗中国护照, 所以审理程序要起码半年.
个官问:"你想唔想自己申请咗先, 然后在申请你女朋友?"
个死野就唸, 个衰婆如果第日要自己申请, 都唔知要搞几耐, 又会好难, 佢系呢度得我一个, 我唔帮佢就无人可以帮到佢啦
于是佢就讲:"既然一起递咗申请就一齐搞啦, 我唔想佢唔开心. 多6个月啫, 我可以等."
个官一再强调, 我地嘅资料一D问题都无, 就只系因为我嘅中国护照, 所以程序要求一定要等至少6个月.
返到尼, 个死佬就同我讲:"你睇下, 我为咗你放弃咗6个月PR啊, 你以后要对我好D先得啊!"
哼! 不过我心里面都真系好感激, 老公你对我实在太好啦!
夜晚同阿妈skype, 讲起呢件事.
阿妈话呢D就叫做潜规则. 就系因为你系中国人所以就要拖下你.
下? 咩系潜规则? 咁深奥嘅? |
|
|
